"اهلا كوتششش بصراحة، ما توقعت جلستين تفرق وياي بهالشكل… جنت داخلة بس حتى ارتاح وافرغ، بس طلعت بتغيير كامل بطريقة تفكيري وكلشي .. اسلوبك مختلف كولش هوايي وتوصل المعلومة بدون تعقيد، وتخليني اشوف نفسي بوضوح ودون تزييف او تجميل يعني كلامك جان صريح وبنفس الوقت داعم، وهذا الشي خلاني اتقبل الحقيقة بدون مقاومة. نظرتي للحياة مو بس لنفسي صارت اكبرر واعمق وما اتاثر مثل قبل وابددد ما متندمة، وبدليل حجزت حجز مسبق اول ما انتهت الجلسة لان كولشش حابة استمر بهل جلسات لانو فعلاً استثمارررر. شكراااااا هواي استاذ انت صاحب اثر ما ينسي ربي يوفقك بكل خطوة ❤️❤️❤️🥹"

"بصراحة ما جنت متوقعة اوصل لهل مرحلة ابد يعني بعد علاقة 5 سنوات جنت حاسة نفسي ضايعة كلشي يذكرني بيه وكل يوم ارجع لنفس النقطة دخلت الجلسة واني تقريباً فاقدة الامل، وگلت يمكن هاي اخر محاولة حتى ارمم نفسي… بس اللي صار فاجأني! من اول دقائق حسيت اكو احد دا يسمعني بدون حكم، ويفهمني من عمق مو بس كلام سطحي خليتني اواجه اشياء جنت اهرب منها وفهمت شلون جنت مربوطة بالماضي. شكراً كوتش على هالتجربة 🤍 لاول مرة حسيت انو التخطي مو مستحيل، وان المشكلة مو بيه مثل ما كنت اعتقد. حرفيااا جان حمل ثقيل انشال من صدري وهسه رجعت اشوف نفسي بشكل مختلف… مو ضعيفة، بالعكس اقوى من قبل. ممتنة جداً الك، والله يوفقك ويبارك بعمرك ❤️"

"محمد اخوية الطيب قبل كلشي اشكر ربي عرفني على شخص مثلك نظيف ويحب الخير الله يكثر من امثالك لا والله ابد ما متندم وجدا استفاديت منك وفعلا استثمار بالنفس هاي الجلسات وكلامك ترسخ بالي وانطبع هم وخصوصا علاقتي الزوجية والتدريبات فوك ما تصور فادتني الف شكر وحمد وللتوضيح كوتش هذا الكلام مو لان انت طلبته مني هسه بل فعلاً جنت حاب اشكرك وكلت بجلستنه الاخيرة بس انت سبقتني ههه. ربي يوفقك ويقدرك على فعل الخير دائماً"

"مراحبا كووتش شلونك كوتش انت بجلستنه الاخيرة طلبت مني اشارك رايي بالجلسة وبصراحة انشغلت وهسه جنت اطبق التمارين كلت اكمل واكتبلك بس بالبداية يمكن كلامي مو مرتب بس احاول اوصلك شعوري كوتش اني قبل الجلسة جنت تعبانة بشكل مو طبيعي يعني انت شفت حالتي مو بس على الموضوع حتى على نفسي… يعني حتى من جنت احاول اكون قوية من داخلي بس مكدرت لان جنت منهارة وما اكدر لاي شي. جان كلشي يرجعني كل فراغ يرجعني اله والأسوأ… جنت اعرف هذا الشي غلط بس ما اكدر امنع نفسي منه. بعد الجلسة لا كلشي تغير الفضل لربي والك، هسه ما اكدر اكولك اني تخطيت 100% بس اكو فرق واضح وكلش واضح صرت استوعب ليش جنت متمسكة مو لان هو يستاهل بس لان اني جنت محتاجة شي منه و هسه دا احاول اعوضه بنفسي مو بيه بسببك وعيت على هواي امور فهمت هواي شغلات يعني من اقارن نفسي بالسبوعين الماضيين لا فرق جبير هسه اهدأ ما اعصب ما انقهر عايشة حياتي بشكل طبيعي صح تجي فتات مشاعر بس دا اسيطر عليها وملتزمة بالتدريبات وكل هذا بسببك اشكرك من كل قلبي ربي يوفقك ويسعدك دائماً ويرزقك من حيث لاتحتسب 🥹❤️"

"كوتش حبيت اكتبلك هل رسالة اللي من عمق قلبي فعلاً بحكم عملي وانو اني طبيبة والبيشنت اللي يجيني والله اكعد اسولف وياهم واسالهم بصيغة غير مباشرة كانما مو عني بس فيسبيل اوصل لعمق فكري وشخص يساعدني بعدين كل الطرق انغلقت عندي فجأة طلعت كدامي سبحان الله.. ف اني ما جنت محتاجة نصيحة جنت محتاجة احد يفهمني من جوه من داخلي من روحي وهذا اللي صار يمك فعلاً ف من قلبي اني ممتنة الك ❤️ يعني اني وين جنت ؟ وهسه وين !!"

"كوتش محمد يمكن كلمة شكراً وحدها والله ما توفيك حقك بس حبيت اوصلك جزء من الامتنان اللي بداخلي من اول ما دخلت الجلسة جنت داخلة واني مقتنعة اشد القناعة انو المشكلة كلها بالطرف الثاني وما جنت اشوف الا اخطاءه لكن بهدوئك وطريقتك بالاسئلة وتحليلك لكل موقف اكتشفت اشياء عن نفسي عمري ما انتبهتلها اكتشفت اكو تصرفات جنت اسويها واني اظنها صح وهي بالحقيقة تزيد الخلاف وتبعد بيني وبين شريك حياتي هواي. الاجمل من كل هذا اني ما طلعت من الجلسة بنظريات طلعت بخطوات عملية وتمارين وكل يوم اطبقها واشوف الفرق بعيني شوي شوي تغير اسلوبي تغيرت طريقة كلامي وصرت افهم ما اهاجم، واحاور قبل لا ازعل ام دميعة 🥲🤣 واوو شكدد امور ف من كل كلبي شكراً لان سمعت بدون حكم وجنت تواجهني بالحقيقة وتخليني اشوف الامور من زاوية مختلفة اسال الله من كل كلبي يوفقك، ممتنة جداً والله يكتب اجرك على كل تغيير صار بحياتي 🙏🏼🙏🏼🙏🏼"